Monday, August 8, 2011

safar zindagi...


Ek pal mein u khush hota hai..
Aur ek pal mein sehem jata hai..
Har shaam ke baad savera hota hai..
aye dil tu kyun rota hai..

Kabhi koi tera dil todta hai..
To kabhi koi gale laga leta hai..
Kyun tu in baaton ko dil lagaye sota hai..
Zindagi mein aksar aisa hi hota hai..

Umeed bandh jaati hai begaano se kabhi..
Aur kabhi apne hi dhokha dete hein..
Ek dhage si kachhi hai zindagi..
Yahan roz ye tamashe hote hein..

Kabhi kisi ke ane ki khushi hoti hai..
To kabhi jane ka gumm satata hai..
Par tu itna hairaan kyun hota hai..
Tere sath to tera naam bhi nahi jata hai..

Ho jata hai pyar kabhi kisi deewani se..
Sapno mein bus usi ka chehra ata hai..
Kya hua jo usne mohobbat na ki tujhse..
Shart par pyar nahi nibhaya jata hai..

Kabhi suraj ki kirnein hume lubhati hein..
To kabhi baarish ki boondon ka mazaa ata hai..
Har raat ke baad subah hoti hai..
Musafir to bus ata aur jata hai..

Hanso gao muskurao aye bande..
U jiyo jaise har pal akhri ho..
Na rahe ab iss pal mein koi bandagi..
Bus sans ke ek jharoke ka safar hai zindagi..safar zindagi...